• Tabhair aird ar d’anáil ag tosach do ghuí inniu agus gluais níos doimhne isteach sa gciúnas. Seachain an bhféachfá lena rithim na a dhoimhne a athrú. Ná déan ach a tabhairt faoi deara. Tabhair thú féin faoi deara ag análú iseach agus ag análú amach. Tabhair faoi deara an t-aer a tharraingítear isteach i do chuid scamhóg, agus tabhair faoi deara é á sheoladh ar ais go dtí an t-atmaisféar agus tú ag análú amach. Tabhair aird go simplí agus go socair ar an gcéad leath-dhosaen análacha agat.

Rút 2: 8 - 13

Dúirt Bóaz le Rút: “Éist liom anois, a iníon ó, agus tuig é seo uaim: ná téighse a dhíolaim in aon ghort eile. Ná fág an áit seo ach lean go dlúth mo mheithealsa. Bíodh do shúil agat ar an gcuid sin den ghort a bhíonn á bhaint acu agus bí ina ndiaidh aniar. Tá ordú tugtha agam do mo sheirbhísigh gan cur isteach ort. Má bhíonn tart ort, buail síos chun na soithí agus ól deoch as ar tharraing na giollaí.” Ansin shléacht Rút roimhe agus chrom go talamh, á rá: “Cad chuige duit a bheith chomh lách liom agus a leithéid de chúram a dhéanamh díom agus gan ionam ach strainséir?” D’fhreagair Bóaz: “Insíodh dom go hiomlán an uile ní dá ndearna tú ar son mháthair do chéile ón uair a fuair d’fhear bás; mar a d’fhág tú d’athair agus do mháthair agus do thír dhúchais i do dhiaidh agus gur tháinig tú go muintir nárbh aithnid duit roimhe seo. Go gcúití an Tiarna do shaothar leat, agus go dtuga an Tiarna Dia Iosrael luach saothair iomlán duit ós rud é gur tháinig tú ag lorg dídine faoi scáth a sciathán.” Ansin dúirt sí: “Nach lách atá tú liom, a mháistir, mar thug tú sólás dom agus labhair tú go séimh liomsa, do bhanseirbhíseach, dá
shuaraí mé, agus gan mé ar chomhchéim le duine de do bhanseirbhísigh.”