User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Comhluadar

Nuair atá tú ag guí, níl tú i do aonar. Is cuid de phobal domhanda tú.

Tearmann

Do phaidir laethúil ar líne

Urnaí laethúil - 2021-02-25

Láthair Dé

Cuirim i gcuimhne dom féin go bhfuilim i láthair Dé.
Tá tearmann agam i gcroí mo Thiarna
a bhíonn mar neart i mo laigí
agus mar shólásaí in amanna an bhróin.

Saoirse

Tá saoirse agam.
Nuair a fhéachaim ar na focail sin i scríbhinn cruthaíonn siad iontas ionam.
Buíochas le Dia as ucht saoirse a bheith agam.

Tabhair faoi deara

I láthair mo Chruthaitheora,
féachaim go macánta ar mo mhothúcháin i rith an lae
- na buaiceanna, na pointí ísle agus an gnáthlá.
Cá raibh Dia i láthair?

Briathar Dé

Matha 7:7–12

“Iarraigí, agus tabharfar daoibh; lorgaigí, agus gheobhaidh sibh; buailigí, agus osclófar daoibh. Óir, gach aon duine a iarrann, glacann, agus an té a lorgann, faigheann, agus an té a bhuaileann, osclófar dó. Nó cén duine agaibh a n-iarrfaidh a mhac arán air, agus ar cloch a shínfidh sé chuige? Nó más iasc a iarrann, an sínfidh sé nathair nimhe chuige? Dá bhrí sin, más eol daoibhse, dá olcas sibh, nithe maithe a thabhairt do bhur gclann, nach móide go dtabharfaidh bhur nAthair atá ar neamh nithe maithe dóibh seo a iarrann air iad?

“Nithe ar bith ab áil libh daoine a dhéanamh daoibhse, déanaigí amhlaidh sin dóibh: sin é an dlí agus na fáithe.”

 

 

 

 

Resume Prayer

Smaointí ar Scrioptúir an lae

Active
Default
  • Sna treoracha gairide seo i gcomhair urnaí tugann Íosa cuireadh dúinn teacht os comhair Dé le croí tnúthánach ag iarraidh pé rud atá de dhíth orainn. Bíonn Dia ag éisteacht lenár bpaidreacha i gcónaí.
  • ‘Is féidir an uile ní don té a chreideann.’
  • Fáiltíonn Dia romham le barróg cheanúil agus is mian leis ‘rudaí maithe’ a thabhairt dom nuair a iarraim air le croí ghnaíúil oscailte.
  • An mbím oscailte dáiríre le Dia agus mé ag guí? An roinnim leis gach a gcuirim díom, na rudaí a mbím ag streachailt leo, na rudaí is aoibhinn liom, agus na cásanna a bhfuil a chabhair uaidh chun déileáil leo.
Resume Prayer

Comhrá

A Íosa, labhraíonn tú liom trí chomhrá na soiscéal.
Déanfaidh mé mo dhícheall freagra a thabhairt ar ghlaoch Dé.
Cabhraigh liom saothar do láimhe a aithint i ngnáthimeachtaí an lae.

Críoch

Glóir don Athair agus don Mhac agus don Spiorad Naomh,
Mar a bhí ar dtús, mar atá anois agus mar a bheas go brách;
Trí shaol na saol.

Amen

Cuireann muid fáilte roimh d’aiseolas faoin bpaidir laethúil. Ba bhreá linn smaointe maidir le cur chun cinn an tsuímh a fháil freisin.

an suíomh urnaí reatha ag na hIosánaigh Éireannacha