User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Comhluadar

Nuair atá tú ag guí, níl tú i do aonar. Is cuid de phobal domhanda tú.

Volunteer Irish Translators Needed

Thank you for your interest in tearmann.com. We urgently need some volunteer translators in order to continue to offer the daily prayer of Sacred Space in Irish. If you are interested in translating please complete the short form in English by clicking the link below. Many thanks.

Tearmann

Do phaidir laethúil ar líne

Urnaí laethúil - 2023-09-30

Láthair Dé

A Thiarna, bíodh lúcháir orm i gcónaí.
Cuir i gcuimhne dom méid na mbeannachtaí
atá bronnta agat orm.

 

Saoirse

Tá sé fuirist a bheith gafa le cúraimí an tsaoil
agus le háirgí saolta.
Cabhraigh liom, a Thiarna, gan a bheith santach ná leithleasach.
Meabhraigh dom go bhfuil na nithe is fearr saor in aisce
- grá, gáire agus roinnt lena chéile.

Tabhair faoi deara

Mairim i gcomhluadar – bainteach le nádúr, le daoine, le Dia.
Ag machnamh ar an gceangal seo
gabhaim buíochas as an mbeatha a shníonn tríothu.
Uaireanta bíonn briseadh: brón, fearg, díomá.
Cabhraigh liom a Dhia glacadh le cúrsaí faoi mar atá
agus maithiúnas a thabhairt.

Briathar Dé

Lúcás 9:43-45

Agus ghabh iontas cách faoi mhórgacht Dé. Agus nuair ab ionadh le cách a raibh á dhéanamh aige, dúirt sé lena dheisceabail: "Gabhaigí chugaibh na briathra seo in bhur gcluasa, óir tá Mac an Duine le tabhairt ar láimh do dhaoine." Ach níor thuig siad an focal sin; bhí a bhrí ceilte orthu ionas nach bhfeicfidís é, agus bhí eagla orthu ceist a chur air mar gheall ar an bhfocal sin.

Resume Prayer

Smaointí ar Scrioptúir an lae

Active
Default
  • Ní féidir linn ach meas a bheith againn ar scil Lúcáis agus é ag cur síos ar na codarsnachtaí is follasaí idir an iontas a bhí ar ‘gach duine’ faoina raibh á dhéanamh ag Íosa agus easpa tuisceana na ndaoine ar a chuid fulaingthe sa todhchaí. Is é Íosa an Slánaitheoir a léiríonn dúinn mórgacht Dé trína chuid fulaingthe ar ár son.
  • Cosúil leis na deisceabail, cuireann an fhulaingt agus í gan chiall, de réir dealraimh, faitíos orainn. Tógaim liom roinnt fulaingthe atá ar eolas agam go dtí mo ghuí, agus déanaim iarracht a fhiarfraí d’Íosa cén chiall atá léi.
Resume Prayer

Comhrá

Cuirim i gcuimhne dom féin go bhfuilim i láthair Dé i gcónaí.
Ansin, samhlaím Íosa féin ina sheasamh nó ina shuí os mo chomhair amach.
Nochtaim m'intinn agus rún mo chroí dó.
Déanaim comhrá Leis díreach mar a dhéanfadh cairde lena chéile.

Críoch

Glóir don Athair agus don Mhac agus don Spiorad Naomh,
Mar a bhí ar dtús, mar atá anois agus mar a bheas go brách;
Trí shaol na saol.

Amen

Cuireann muid fáilte roimh d’aiseolas faoin bpaidir laethúil. Ba bhreá linn smaointe maidir le cur chun cinn an tsuímh a fháil freisin.

an suíomh urnaí reatha ag na hIosánaigh Éireannacha