User Settings

  • Background
  • Fade speed
  • Music
  • Text size
Choose a backgound theme.
Choose the speed the daily prayer fades between stages.
Choose music to play during the daily prayer.
Choose the size of the text for your daily prayer.

Comhluadar

Nuair atá tú ag guí, níl tú i do aonar. Is cuid de phobal domhanda tú.

Volunteer Irish Translators Needed

Thank you for your interest in tearmann.com. We urgently need some volunteer translators in order to continue to offer the daily prayer of Sacred Space in Irish. If you are interested in translating please complete the short form in English by clicking the link below. Many thanks.

Tearmann

Do phaidir laethúil ar líne

Urnaí laethúil - 2023-10-02

Láthair Dé

I mo shuí anseo dom, tugaim faoi deara
go bhfuil Dia ag amharc go grámhar orm
agus um' chothú i mo bheatha.
Déanaim machnamh air seo ar feadh tamaillín ghearr.

Saoirse

Tá saoirse agam.
Nuair a fhéachaim ar na focail sin i scríbhinn cruthaíonn siad iontas ionam.
Buíochas le Dia as ucht saoirse a bheith agam.

Tabhair faoi deara

Agus a fhios agam go bhfuil grá gan choinnníollacha ag Dia dom,
féachaim siar go macánta ar an lá – na heachtraí agus mo mhothúcháin.
An bhfuilim buíoch as aon rud?
Gabhaim buíochas le Dia.
An bhfuil brón orm faoi rud ar bith?
Iarraim maithiúnas.

 

Briathar Dé

Matha 18:1-5, 10

Tháinig na deisceabail san am sin ag triall ar Íosa chun a rá: “Cé hé mar sin an té is mó i ríocht na bhflaitheas?” Ghlaoigh sé leanbh chuige, chuir ina sheasamh ina lár é agus dúirt: “Deirim libh go fírinneach, mura gcasa sibh arís chun bheith ar nós na leanaí, ní rachaidh sibh isteach i ríocht na bhflaitheas choíche. Mar sin, duine ar bith a dhéanfaidh é féin uiríseal ar nós an linbh seo, beidh sé sin ar an té is mo i ríocht na bhflaitheas. Agus cibé duine a ghlacfaidh a leithéid seo de leanbh ar son m’ainm, glacann sé mise.
“Aire daoibh gan bheith neamhshuimiúil i nduine ar bith de na rudaí beaga seo, óir deirim libh, bíonn a n aingil ar neamh ag breathnú de shíor ar ghnúis m’Athar atá ar neamh."

Resume Prayer

Smaointí ar Scrioptúir an lae

Active
Default
  • Déanann Íosa cúram de gach aon duine ar leith trína aingeal coimhdeachta. An gcreidim go bhfuil cúram á dhéanamh díomsa go pearsanta ag Dia? Is bua mór creidimh é an creideamh seo a bheith agat. Táthar ag iarraidh orainn ár muinín a chur i nDia faoi mar a dhéanfadh páistí, ar tréith nádúrtha iontu an iontaoibh.
  • Tig liom buíochas a ghlacadh le Dia faoina chúram dom – ag tabhairt faoi deara a chomharthaí i mo shaol, agus tig liom a iarraidh air cuidiú liom caidreamh níos doimhne a fhorbairt leis.
Resume Prayer

Comhrá

Cuirim i gcuimhne dom féin go bhfuilim i láthair Dé i gcónaí.
Ansin, samhlaím Íosa féin ina sheasamh nó ina shuí os mo chomhair amach.
Nochtaim m'intinn agus rún mo chroí dó.
Déanaim comhrá Leis díreach mar a dhéanfadh cairde lena chéile.

Críoch

Glóir don Athair agus don Mhac agus don Spiorad Naomh,
Mar a bhí ar dtús, mar
atá anois agus mar a bheas go brách;
Trí shaol na saol.

Amen

Cuireann muid fáilte roimh d’aiseolas faoin bpaidir laethúil. Ba bhreá linn smaointe maidir le cur chun cinn an tsuímh a fháil freisin.

an suíomh urnaí reatha ag na hIosánaigh Éireannacha